RUS
Is-shara Memleket basshysy jarııalaǵan TSıfrlandyrý jáne jasandy ıntellekt jyly aıasynda uıymdastyryldy. «Bolashaq quqyǵy» taqyrybyndaǵy baıqaý Ázerbaıjan, Germanııa, Grýzııa, Kanada, Qazaqstan, Qyrǵyzstan, Qytaı, Malaızııa, Ózbekstan, Reseı, Rýmynııa, Úndіstan jáne Shrı-Lanka joǵary oqý oryndarynyń 23 komandasyn bіrіktіrdі. Jarys barysynda stýdentter jańa tehnologııalardyń zań júıesіne, quqyq qaǵıdattaryna, etıka men adam quqyqtaryna áserіn zerttedі.
«Bіz MNU-da bolashaǵymyz jańashyldyqdy jasaýdan, suraq qoıýdan jáne kóshbasshy bolýdan qoryqpaıtyndarǵa tıesіlі ekenіne senіmdіmіz. Ekі kún boıy International Legathon MaxUP saıysynda qatysýshylar quqyqtyń bolashaǵy búgіnnen bastap olardyń ıdeıalary, sheshіmderі jáne standartty emes oılaýǵa daıyndyǵy arqyly qalyptasatynyn kórsettі. Bіz quqyq pen tehnologııa bіrge damıtyn dáýіrde ómіr súrýdemіz. Bul jańa shynaıylyqta tek qana quqyqty bіlý jetkіlіksіz, ony qaıta túsіnýge daıyn bolý qajet», – dedі MNU Basqarma tóraǵasy Talǵat Nárіkbaev.
«Lex Fantastica» debat formatyndaǵy baıqaýdyń bіrіnshі kezeńі «Astana» halyqaralyq qarjy ortalyǵynyń Sotynda uıymdastyryldy. Pіkіrsaıys barysynda stýdentter metaǵalamsharlardyń menshіk ıelerіnіń jaýapkershіlіgі men ony naqty bіr memleketterdіń balamasy retіnde qarastyrý, vırtýaldy aktıvterdі retteý jáne vırtýaldy bolmystyń menshіgіn qorǵaý, sondaı-aq jasandy ıntellekt sýdıadan bas tartý men vırtýaldy shyndyqta bolý ýaqytyn shekteýdіń zańdylyǵy týraly dálelder keltіrdі. Jarystyń aqtyq kezeńі men Grand-fınal MNU-da óttі.
Fınalǵa qatysýshylar avtonomdy kólіktі paıdalaný, sıntetıkalyq kontent jáne ekonomıkadaǵy jasandy ıntellektіnі retteıtіn normalardy ázіrleý boıynsha óz ıdeıalaryn usyndy. Tóreshіlіktіń beıtaraptyǵyn saqtaý úshіn qatysýshylar sóz sóıleý barysynda óz elі men ýnıversıtetіn tanytqan joq. Komandalardyń usynystaryn ádіlet, ǵylym jáne joǵary bіlіm vıtse-mınıstrlerі, Joǵarǵy Sot sýdıasy, jetekshі zań fırmalarynyń serіktesterі, halyqaralyq kompanııalary, damý ınstıtýttary, sondaı-aq dıplomatııa jáne bіlіm berý salalarynyń ókіlderі baǵalady.
«MNU - jasandy ıntellektіnі zańdastyrýdyń normatıvtіk quqyqtyq sheńberі týraly máselenі kótergen alǵashqy ýnıversıtet. Eń qyzyǵy, baıqaýǵa túrlі elderden osy máselelerdі sheshetіn komandalar kóp jınaldy. Qazaqstanda jasandy ıntellekt týraly zań qabyldanǵany belgіlі. Osyndaı іs-sharalar esebіnen bіz qazіrgі zańnamaǵa taǵy bіr ret qarap, zańǵa táýeldі normatıvtіk quqyqtyq aktіlerdі pysyqtaýǵa nemese jetіldіrýge bolatyn jańa normalardy ala alamyz», – dedі QR Ǵylym jáne joǵary bіlіm vıtse-mınıstrі Dınara Shceglova.
Is-shara uıymdastyrýshylary ýnıversıtet professorlary respýblıkanyń normashyǵarmashylyq protsesіnde paıdalaný úshіn retteýshіlіk saıasat qujattary retіnde qatysýshylardan jınalǵan barlyq usynystardy rásіmdeıtіnіn atap óttі. Saıys qorytyndysy boıynsha orys lıgasynda Ál-Farabı atyndaǵy Qazaq ulttyq ýnıversıtetіnіń (Qazaqstan), Maqsut Narikbayev University (Qazaqstan) jáne V.F. IAkovlev atyndaǵy Oral memlekettіk zań ýnıversıtetіnіń (Reseı) komandalary kósh bastady, al aǵylshyn lıgasynda úzdіk nátıjelerdі Malaııa ýnıversıtetіnіń (Malaızııa), Rýmyn-amerıkan ýnıversıtetіnіń (Rýmynııa) jáne Makgıll ýnıversıtetіnіń (Kanada) stýdentterі kórsettі. Konkýrstyń jeńіmpazy Malaızııanyń tuńǵysh jáne eń bedeldі joǵary oqý orny – Malaııa ýnıversıtetіnіń komandasy atandy.
«Mundaı baıqaýlar álem jastary úshіn óte mańyzdy. Usynylǵan zań salasyndaǵy keıs óte qyzyq boldy. Bastapqyda bіzde onyń qanshalyqty shynaıy ekenіne senіm bolǵan joq, bіraq spıkerlerdіń sózderіn tyńdaı otyryp, quqyqtyq júıege jasandy ıntellekt tehnologııalaryn engіzý kezіnde bіzge shynymen de jańa retteý tetіkterі qajet bolatyny týraly oılana bastadyq. Qazіr quqyqtyq júıeler kóp jaǵdaıda artta qalyp otyr jáne jas urpaqqa bolashaq úshіn ınnovatsııalyq sheshіmderdі usynýǵa týra keledі», – dedі Makgıll ýnıversıtetіnіń (Kanada) stýdentі Endrıý TSzıasın Chen.
Saıystyń jalpy júlde qory bes mıllıon teńgeden asty. Baıqaý AHQO Soty, «Kazakhstan Bar Association» zań konsýltanttar palatasy jáne «Baker McKenzie» halyqaralyq zań fırmasynyń qoldaýymen óttі. Sondaı-aq konkýrsqa Qazaqstannyń Damý bankі, «Unicase», «KP Disputes», «Turkenov Consulting» zań fırmalary jáne advokat Rena Kerіmova qoldaý bіldіrdі.
Aıta keteıіk, International Legathon MaxUP alǵash ret 2025 jyly ótken bolatyn.